Na die heerlike lente reën, word die sintuie begroet met ʼn palet van kleure, geure en ʼn geleentheid vir verandering. Hier volg ʼn paar wenke waar om te begin…
• Lê ’n groentetuin aan – gaan kyk by jou plaaslike kwekery watter saailinge of saad beskikbaar is en kweek jou eie
groente of plant jasmyn, frangipani’s, Yesterday-Today-Tomorrow’s of rose vir hul heerlike geure
• Leer iets nuuts – neem dans- of kunsklasse, of leer hoe om skaak te speel
• Raak meer aktief – begin fietsry, roei, joga doen of boogiebord ry
• Eet ’n draairoomys – jy kan die kilojoules afwerk deur die nuwe aktiwiteite waaraan jy gaan deelneem!
• Leer hoe om jou eie jenewer te maak
• Hou ’n sjampanje-piekniek langs die see of in die bos en eet ’n paar keer per week buite
• Vervul ’n droom – publiseer self jou digbundel of ’n versameling kort stories
• Stel nuwe resepte op die proef
• Beplan ’n vakansie – met jou motorfiets, tent of karavaan, gaan op ’n stapvakansie oorsee of vertrek spontaan op ’n
oornagekskursie in jou omgewing
